互相畫花 -功課簿- ！😤😤😤
點樣處理呢幾個小朋友好呢？😌
話說K1、K2、K3 嘅👦🏻👦🏻👧🏻，每日都有功課做。📝
但係 *人手、地方、時間* 嘅問題，佢哋3個👦🏻👦🏻👧🏻每日都一定同一時間同一張枱一齊做功課嘅🤓！
每日要一齊做功課，媽媽都好頭痛🤦🏻♀️。不過，👩🏻無咁容易俾佢地KO嘅！😏 (💁🏻♀️阿Q精神中....😅)
其實，佢哋不時會畫對方功課，通常媽媽會問咁做啱唔啱😤，再請畫花功課嗰個去同被畫功課嗰個道歉🙇🏻♂️🙇🏻♀️，再去罰企，然之後幫對方擦返份功課。
不過，有次某小朋友用咗啲❌擦唔到嘅顏色筆🖍📝畫花咗另外2個嘅功課。😤😤😤媽媽即時已經激到🤮！😪
🤦🏻♀️呢個時候又到EQ特訓時間😅，🤔🤔諗下要點處理會好啲，希望可以令出手畫花功課薄嘅小朋友同另外兩個都知道咁樣做係非常唔啱嘅行為呢🤔？！
我用咗👇🏻下面嘅方法🤔，睇下得唔得😆！
首先，同樣要道歉🙇🏻♀️🙇🏻♂️，亦都要罰企😤。
😌😌😌不過今次無得擦，所以媽媽同出手畫花功課簿嘅小朋友講，媽媽👩🏻會每本功課簿都貼上一張📄紙仔📝寫低發生嘅事，等佢哋3嗰唔同級嘅班主任知道呢件事。
（📝紙仔內容，大致話俾老師知X做功課時畫花咗Y同Z嘅功課，X已經向2個道歉🙇🏻♀️🙇🏻♂️，但如果可以的話，可否請老師主動要求X向佢道歉？！)🙏🏻😅 ，（另外2張📝紙仔亦話俾2位老師知大約發生咩事😅）
當然，X 一聽到要話俾老師👩🏫知，佢即時爆喊😭啦！😅
媽媽都好明白佢喊😭係因為怕俾老師👩🏫鬧🗣。所以都安慰佢話佢知，相信老師唔會鬧佢嘅😌，而一個誠實勇敢認錯嘅孩子，老師可能會欣賞呢份勇氣呢。😃
😊就係咁，呢個小朋友第二日返到學校🏫勇敢同自己老師道歉，而老師👩🏫非常好☺️更安排佢分別去咗另外2個課室向2位老師👩🏫道歉🙇🏻♀️🙇🏻♂️☺️。
😌 呢位犯錯嘅小朋友，放學時反而好開心😃咁同媽媽講佢好勇敢同曬3個老師👩🏫道歉同埋道歉時有喊😭！ 😆😂👍🏻 (小朋友真係好可愛呢！😌)
依咖，佢哋已經極少畫對方嘅功課喇🙂，就算再畫😤 都只要提一提✋🏻就會自動停止✋🏻！😌
請 「Like 」
FB: www.facebook.com/threekids.gloria
「Follow 」
IG: www.instagram.com/threekids.gloria
#功課 #畫花 #道歉 #勇敢
Search